Bashkia Berat Për një Berat të Qytetarëve
USAID ne kuadër të programit PLGP ka zhvilluar në qytetin e Beratit një tryezë rajonale për të diskutuar problemet me decentralizimin dhe të ardhurat vendore në qeversijet lokale. Pjesëmarrës në këtë tryezë ishin njësitë vendore partnere te Projektit USAID/PLGP të përfaqësuara nga Kryetar Bashkie/Zv.Kryetar, Drejtorë të Drejtorisë së Taksave/, Drejtorë te Drejtorisë së Ekonomise te Bashkive te Berat, Fier, Lushnje, Kucove dhe Patos.
Temat e zhvilluara në këtë tryezë të përbashkët kishin të bënin me shqyrtimin dhe diskutimin e situatës aktuale të Decentralizimit Fiskal në Shqipëri, ngritja e kapaciteteve vendore në vlerësimin e situatës aktuale të të Ardhurave Tatimore Vendore, prezantimin e gjetjeve kryesore të “Dokumentit mbi opsionet e zbatimit të Taksës së Pasurisë së Paluajtshme” dhe marrja e opinionit të NJQV-e në lidhje me opsionin e preferuar, nxitja e marrëdhënieve të bashkëpunimit dhe ndarjes së eksperiencave më të mira midis NJQV-ve me synim përmirësimin e të ardhurave, identifikimi e prioriteteve për Konferencën e Decentralizimit Fiskal të planifikuar për muajin Nëntor 2013.