Bashkia Berat Për një Berat të Qytetarëve
Më 26.10.2017, Qendra “LIRA” Berat, qendër për persona me aftësi të kufizuar, festoi 10 – vjetorin e krijimit të saj. Të pranishëm në këtë aktivitet ishin Nënkryetarja e Bashkisë, znj. Teuta Muçogllava, Prefektja e Qarkut Berat, znj. Valbona Zylyftari, deputeti i PS-së për Qarkun e Beratit, z. Fadil Nasufi, punjonjës të Qendrës “Lira” dhe të institucioneve të tjera.
E ftuar e veçantë në këtë përvjetor ishte znj. Beatrice Prisse, përfaqësuese e Shoqatës ASSED, Zvicër, të cilët kanë investuar dhe vazhdojnë të kontribuojnë për këtë qendër qysh nga krijimi i saj. Drejtoresha e Qendrës “Lira”, znj. Alma Kule, në fjalën e saj përshëndetëse tha se misioni i kësaj qendre është që t’u vijë në ndihmë të specializuar familjeve që kanë fëmijë me aftësi të kufizuar, duke u kujdesur për trajtimin, zhvillimin, edukimin dhe integrimin e tyre.
Në fund të këtij aktiviteti u shtrua një koktej për të gjithë të pranishmit.
