Berati dhe Matera , dy Qytete të UNESCO-s më pranë njeri tjetrit

Dy qytetet e Trashëgimisë Botërore të UNESCO i shikojne vlerat e kulturës dhe inovacionit si stimuj për rritjen dhe zhvillimin e territoreve te tyre lokale.
Këto ishin ndër çështjet e diskutuara në 24 Nentor, gjatë takimit që u zhvillua ndermjet Kryetarit të Bashkisë së Materas, Z.Raphael De Ruggieri, nënkryetarit dhe këshilltarit për Inovacionin John Foam dhe Kryetarit te Bashkisë së Beratit, Petrit Sinaj, Z. Eduart Shalsi, deputet i Qarkut Berat dhe kryetar i grupit parlamentar të veprimtarive prodhuese, si dhe Z. Adriatik Dudaj sipërmarrës i angazhuar në promovimin inovativ.

Duke prezantuar hapat më të rëndësishem të rrugëtimit të Matera-s, i cili është shpallur Kryeqyteti Evropian i Kulturës për vitin 2019, Kryetari De Ruggieri solli ne vemendje rolin e luajtur nga ligji 771 mbi restaurimet që daton nga viti 1986, duke vënë në dukje se prej atëherë UNESCO zgjodhi Matera-n ne 1993 si një Sit te Trashëgimisë Botërore.
Kryetari i Bashkise së Beratit Z. Petrit Sinaj prezantoi vlerat e trashëegimisë kulturore të Beratit , i cili prej vitit 2008 është gjithashtu pjesë e Trashëgimisë Botërore të UNESCO. Nga Pala Shqiptare, një vëmendje e madhe iu kushtua rrugës drejt së cilës ka ecur Matera,duke u kthyer në një shprehje të rilindjes sociale dhe kulturore.
Z.Eduart Shalsi theksoi disa aspekte te zhvillimit te Beratit dhe Shqipërise, të cilat janë në rrugën e ndryshimeve rrënjësore dhe shohin tek Matera një shembull nga i cili mund të frymëzohen.
Palët theksuan se marrdhëniet dypalëshe ndërmjet qyteteve dhe vendeve mund të zhvillohen në perspektivën e zhvillimit të përbashkët me me nje shtytje te re nga të rinjte kreative dhe sipërmarrësit e të dy qyteteve.
Në takim u nënvizuan synimet nga ana e të dy administratave Bashkiake, për të identifikuar pika të përbashkëta, edhe në kuadrin që Matera pas katër vitesh do të jetë Kryeqyteti Evropian i Kulturës.
Matera eshte nje qytet ne provincen e Bazilikatës dhe njihet për historine dhe kulturën e saj, duke marrë famën për qendrën e saj historike të quajtur ‘’Sassi’’ ( qyteti i gurtë i Materas) , i është nje vendbanim nga më të hershmit në Itali. Autoritetet Komunale të Materas kane promovuar vitet e fundit rigjenerimin e Sassi-t, duke e kthyer ne nje zone zhvillimi turistik.

Takimi në Matera i parapriu Seminarit ‘’ Njohuri intensive per sipërmarrjen në Zonën Euro-Mesdhe’, zhvilluar në Lecce në datën 25 Nëntor 2015, ku Kryetari i Bashkisë Z. Sinaj prezantoi vlerat dhe mundësitë që qyteti i Beratit ofron për projekte në fushën e turizmit, agrobiznesit, trashëgimisë kulturore etj .
Seminari Ndërkombëtar u organizua nga Universiteti i Salentos në Lecce, në kuadër të udhëzimeve të organizatave ndërkombëtare si Bashkimi Europian dhe Forumi Botëror Ekonomik, mbi iniciativat për të mbështetur sipërmarrjet inovative për zhvillimin social-ekonomik në nivelet lokale dhe kombëtare.