“Ta pastrojmë Beratin në një ditë, dhe ta mbajmë pastër cdo ditë”

“Ta pastrojmë Beratin në një ditë, dhe ta mbajmë pastër cdo ditë”
Nën këtë moto, Bashkia Berat nisi aksionin për pastrimin e qytetit, duke angazhuar të gjitha strukturat e saj për një mjedis sa më të pastër. Kësaj thirrje iu bashkuan të gjitha shkollat, institucionet e qytetit,organizata te ndryshme,si Instituti i Kerkimeve Urbane etj. Punonjësit e administratës, së bashku me nxënësit e shkollave dhe qytetarë të shumtë morën përsipër të pastrojnë mbeturinat në rrugët dhe lagjet e qytetit, në zonën muzeale, e në cdo shtëpi e ambient.

Kjo nismë synon sensibilizimin e qytetarëve të Beratit për të pastruar qytetin në një ditë, dhe për ta mbajtur atë të pastër për cdo ditë. Synimi i këtij angazhimi është rritja e ndërgjegjësimit se një qytet i pastër është një qytet më i mirë për tu jetuar, është qyteti që e dëshirojmë të gjithë.

Berati, si pjesë e trashëgimisë botërore të UNESCO meriton të jetë shembull për një mjedis të gjelbër, të pastër, cilësor.