Bashkia Berat kryen ndaj qytetarëve një sërë shërbimesh publike bazë të cilat janë të nevojshme për funksionimin normal të qytetit. Ndër këto shërbime janë pastrimi i qytetit, ndriçimi, gjelbërimi, mbrojtja e konsumatorëve, shërbimi i varrezave, transporti urban, shërbimet e gjendjes civile etj. Një pjesë e mirë e këtyre shërbimeve kryhen me anë të taksave të cilat grumbullohen nga qytetarët por për faktin se grumbullimi i taksave mbetet ende i ulët një tjetër pjesë e kostove të këtyre shërbimeve kryhet me subvencionim nga Bashkia Berat.

Shërbimi i Pastrimit

Bashkia Kryen shërbimin e pastrimit të qytetit të kontraktuar me firmë sipërmarrëse me afat shërbimi 5vjeçar.

Në shërbimin e pastrimit të qytetit janë të përcaktuar zërat e punës që kryhen konkretisht:

1. Fshirja e rrugëve me krahë
2. Fshirja e rrugëve me makineri teknologjike
3. Heqja e mbetjeve urbane dhe voluminoze
4. Mirëmbajtja e ambienteve publike dhe midis blloqeve të banimit
5. Larja dhe lagia e rrugëve

Për kryerjen e këtij shërbimi të kontraktuar me firmë sipërmarrëse Bashkia Berat ka planifikuar 51.076.951 lekë në vit.

This post is also available in: English